დღეს დაიწყო ევროკავშირის მიერ დაფინასებული პროექტის „ყოფილი პატიმრების ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“, ფარგლებში დადგეგმილი ბიზნეს ტრენინგები ყოფილი პატიმრებისთვის.
ოთხდღიან ტრენინგს თბილისიდან მოწვეული GPG ტრენინგის კურსის კოორდინატორი, როინ ხინთიბიძე და ბიზნეს ტრენერი, ქეთევან ხმალაძე უძღვებიან.

,,საკმაოდ საინტერესო აუდიტორია დამხვდა, არ მოველოდი, აქტიურები არიან. ისეთ კითხვებზე გამცეს პასუხები რაც ჩემმა სტუდენტებმაც კი არ იციან“, - ამბობს ტრენერი, როინ ხინთიბიძე.

21-24 მარტს პროექტის „ყოფილი პატიმრების ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“, ფარგლებში ახალციხეში, პროფესიულ კოლეჯ „ოპიზარში“ ყოფილი პატიმრებისთვის ბიზნეს ტრენინგები ჩატარდება.ოთხდღიან ტრენინგს თბილისიდან მოწვეული GPG ტრენინგის კურსის კოორდინატორი, როინ ხინთიბიძე და ბიზნეს ტრენერი, ქეთევან ხმალაძე გაუძღვებიან. ახალქალაქიდან, ნინოწმინდიდან, ადიგენიდან, ბორჯომიდან, ასპინძიდან და ახალციხიდან 24 ყოფილი პატიმარი ტრენინგების გავლის შემდეგ სპეციალურ სერთიფიკატებს მიიღებს.

რეპატრირებულ მესხს გიორგი მანზულოვს მოსწავლის სტატუსი კი აღუდგა, მაგრამ გასულის წლის მსგავსად ის წელსაც მეშვიდე კლასის მოსწავლეა. .
თავდაპირველად პრობლემის გასარკვევად და შვილის დასახმარებლად ასოციაცია ,,ტოლერანტს“ გიორგი მანზულოვის მამამ მომართა.

,,გიორგი კლასში ჩატოვეს, მერვეში არ გადაიყვანეს, ისევ მეშვიდე კლასშია. რა ვქნა? დამეხმარეთ“, - გვითხრა რეიზ მანზულოვმა.

გიორგი მანზულოვი ახალციხის მუნიციპალიტეტის სოფელ კლდის საჯარო სკოლის მოსწავლეა. მას და მის მსგავსად მოქალაქეობის არმქონე მოსწავლეებს მოსწავლის სტატუსი საქართველოს განათლებისა და მეცნიერების მინისტრის დიმიტრი შაშკინის 2012 წლის 6 იანვრის ბრძანების საფუძველზე შეუჩერდათ.

ასოციაცია ,,ტოლერანტში“ არსებულ სასწავლო პროფესიული მომზადების ცენტრ ,,პროფესიონალში“ ამჟამად მიმდინარეობს კურსი დამწყები და მოქმედი ბუღალტრებისთვის - ,,ბასს“ და ,,ფასს“ სტანდარტებით და ,,ორისის“ პროგრამა.

შეგახსენებთ, რომ სასწავლო კურსზე დამწყები და მოქმედი ბუღალტრებისთვის მიღება ისევ გრძელდება, დაინტერესებულმა პირებმა შეგიძლიათ მოაკითხოთ ასოციაცია ,,ტოლერანტს".
არაერთი კურსდამთავრებული , რომლებმაც ზემოაღნიშნული კურსი გაიარეს დღეს დასაქმებულები არიან კერძო და სახელმწიფო ბიზნეს სექტორში.

პროექტის „ყოფილი პატიმრების ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“, ფარგლებში ფსიქოლოგიური კონსულტაციების პირველი ეტაპისთვის პატიმრების სიები უკვე დაზუსტებულია და მას ათი ბენეფიციარი გაივლის.

სიები ანკეტირების საფუძველზე დგება, რომელიც ყოფილი პატიმრების საჭიროებების კვლევას ითვალისწინებს.

კონსულტაციები 19-20 მარტიდან დაიწყება და თბილისიდან მოწვეული ფსიქოლოგი, სიმონ მამულაშვილი წარმართავს..

არასაპატიმრო სასჯელთა აღსრულებისა და პრობაციის ეროვნული სააგენტოსა და სამცხე-ჯავახეთის რეგიონულ ორგანიზაცია ,,ტოლერანტს“ შორის ევროკავშირის მიერ დაფინასებული პროექტის ,,ყოფილი პატიმრების საზოგადოებაში ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში", ფარგლებში
მემორანდუმი გაფორმდა. .
დოკუმენტის მიხედვით ასოციაცია ,,ტოლერანტი“ უზრუნველყოფს საქართველოს პრობაციის ეროვნულ სააგენტოს მაქსიმალურ ჩართულობას პროექტში, მხარეების მიზნებისა და პრინციპების გათვალისწინებით.
თავის მხრივ კი საქართველოს პრობაციის ეროვნული სააგენტოს წარმომადგენელი პერიოდულად მიიღებს მონაწილეობას პროექტის ფარგლებში დაგეგმილ საქმიანობებში - დისკუსია-საუბრებში და ყოფილი პატიმრების ხელშემწყობ სხვა საქმიანობებში.
მემორანდუმი ხელს შეუწყობს ყოველმხრივ თანასწორუფლებიანი თანამშრომლობის განვითარებას საქართველოს პრობაციის ეროვნულ სააგენტოს და ასოციაცია ,,ტოლერანტის“ შორის.

პროექტის „პირობითი მსჯვარდებული ( პრობაციონერი) რესოციალიზაციის ხელშეწყობა სამცხე-ჯავახეთის რეგიონში“, ფარგლებში ახალქალაქში, კოლეჯ „ცოდნაში“, ამავე პროექტის ფარგლებში ნარკომანიის თემაზე გადაღებული კლიპის ჩვენება მოეწყო. ჩვენებას ახალქალაქის საჯარო სკოლების უფროსკლასელები, სტუდენტები და ადგილობრივი არასამთავრობო ორგანიზაციის წარმომადგენლები ესწრებოდნენ. კლიპის ჩვენების შემდეგ დისკუსია გაიმართა თემაზე - „ძალადობა ჩვენს ცხოვრებაში“.
„კლიპში ნაჩვენები ნარკომანიისა და ძალადობის თემა დღეს ძალიან აქტუალურია. ჩვენების შემდეგ გამართული დისკუსიაც ამავე თემას ეხმიანებოდა და განსაკუთრებით ახალგაზრდები აქტიურობდნენ“,- თქვა პროექტის ასისტენტმა ახალქალში, ვაგარშაკ შახბეკიანმა.

პროექტს ,,ყოფილი პატიმრების საზოგადოებაში ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში", რომელსაც ასოციაცია ,,ტოლერანტი“ ახორციელებს სხვა მრავალ საქმიანობების გვერდით მნიშვნელოვანი ადგილი უკავია უფასო სამედიცინო დახმარებას. . დამთავრდა ხელშეკრულებების გაფორმება ბორჯომის, ახალციხისა და ახლქალაქის სამედიცინო დაწესებულებებთან და რადგანაც ყოფილი პატიმრები საქმიანობის შესახებ საკმაოდ ინფორმირებულები იყვნენ, ამ მოკლე ხანში უფასო სამედიცინო დახმარება უკვე ოთხ პატიმარს გაეწია.
ყოფილი პატიმრების სოციალური რეაბილიტაცია წარმატებით მიმდინარეობს.
შეგახსენებთ, რომ პროექტს ევროკავშირი აფინანსებს და მისი ხანგძლივობა 18 თვეა.

სამცხე–ჯავახეთის რეგიონული ასოციაცია ,,ტოლერანტი“ 17-19 მაისს საერთაშორისო–სამეცნიერო თემატურ კონფერენციას მართავს.
ევროკავშირის მიერ დაფინანსებული პროექტი ,,რეპატრირებულთა ჰუმანიტარული დახმარება ,,თვითრეპატრიაციის“ პრევენცია“ ფარგლებში დაგეგმილი კონფერენცია, რომლის თემაა ,,დეპორტირებული მესხები - წარსული და დღევანდელობა“ სამცხე–ჯავახეთის სახელმწიფო სასწავლო უნივერსიტეტში გაიმართება.

პროექტის „ყოფილი პატიმრების ინტეგრაციისა და რეაბილიტაციის ხელშეწყობა სამცხე-ჯავახეთის რეგიონში“, ფარგლებში ყოფილი პატიმრების ანკეტირება დაიწყო. ანკეტირების მიზანია მათი საჭიროებების გამოვლენა იურიდიული, ფსიქოლოგიური და სამედიცინო მომსახურების კუთხით.
ანკეტირების პირველ შედეგებზე პროექტის სოციალურ აგენტს მაკა ივანიძეს ვესაუბრეთ. მისი განმარტებით პროექტმა ბენეფიციარების მხრიდან დიდი ინტერესი გამოიწვია.

„ბევრ მადგანს უკვე აქვს პროფესია, მაგრამ სურვილი აქვთ ხელახლა გაიარონ გადამზადების კურსი. ყველაზე დიდი დაინტერესება იურიდიული და სამედიცინო მომსახურების კუთხით იყო“, -განმარტავს ის.

ანკეტირება გარდა ახალციხისა, ასპინძის, ადიგენის, ახალქალაქისა და ნინოწმინდის მუნიციპალიტეტებშიც ხორციელდება.